جہلم پولیس شہریوں کی حفاظت کو یقینی بنائے گی۔ ڈی پی او جہلم ناصر محمود باجوہ
جہلم: ڈی پی او جہلم ناصر محمود باجوہ نے تھانہ سول لائنز، سٹی، صدر، کالا گجراں کے علاقہ جات میں امام بارگاہوں، امام بارگاہ جعفریہ اور امام بارگاہ امامیہ کا دورہ کیا۔
ڈی پی او جہلم نے سکیورٹی اور دیگر انتظامات کا جائزہ لیا، ڈی ایس پی سٹی اور ایس ایچ او سٹی نے انتظامات کے بارے میں بریف کیا۔
ڈی پی او جہلم ناصر محمود باجوہ کا کہنا تھا کہ پولیس افسران و جوان نماز جمعتہ المبارک اور محرم الحرام کے دوران الرٹ ڈیوٹی سر انجام دیں گے، جہلم پولیس شہریوں کی حفاظت کو یقینی بنائے گی۔