جہلم پولیس کا سماج دشمن عناصر کے خلاف ایکشن، 4 ملزمان اسلحہ و منشیات سمیت گرفتار
جہلم پولیس کا ناجائز اسلحہ رکھنے والے ملزمان اور منشیات فروشوں کے خلاف کریک ڈاؤن جاری، چار ملزمان کو گرفتار کر لیا گیا۔
تفصیلات کے مطابق دینہ پولیس نے کارروائی کرتے ہوئے ملزم فیض الحسن کو گرفتار کر لیا، ملزم سے پسٹل 30 بور معہ راؤنڈز برآمد کر کے مقدمہ درج کر لیا گیا۔
جلالپور شریف پولیس نے کارروائی کرتے ہوئے ملزم علی رضا کر گرفتار کر لیا،ملزم سے کلاشنکوف معہ راؤنڈز برآمد کر کے مقدمہ درج کر لیا۔
للِہ پولیس نے ملزمان صفدر اور ملزم رستم کو گرفتار کر لیا، ملزم صفدر سے 240 گرام چرس اور ملزم رستم سے 260 گرام چرس برآمد کر کے مقدمات درج کر لئے گئے۔
ڈی پی او جہلم ناصر محمود باجوہ کا کہنا تھا کہ منشیات فروش معاشرے کا ناسور ہیں جن کے خلاف کریک ڈاؤن میں تیزی لائی جائے گی، ناجائز اسلحہ رکھنے والے ملزمان کے خلاف آپریشن میں تیزی لائی جائے گی۔