جہلم پولیس ان ایکشن، 8 ملزمان گرفتار، اسلحہ، منشیات اور سامان آتش بازی برآمد
جہلم: ڈی پی او جہلم ناصر محمود باجوہ کے احکامات پر جہلم پولیس کا سماج دشمن عناصر کے خلاف کارروائیاں، 8 ملزمان گرفتار، اسلحہ، منشیات اور سامان آتش بازی برآمد، پولیس نے ملزمان کے خلاف الگ الگ مقدمات درج کر لئے۔
تفصیلات کے مطابق تھانہ کالا گجراں پولیس نے کارروائی کرتے ہوئے ناجائز اسلحہ رکھنے والے ملزم عدیل کو گرفتار کر لیا،ملزم کے قبضہ سے رائفل SMG، پسٹل 30 بور معہ 97 روندز برآمدکر کے مقدمہ درج کر لیا۔
تھانہ ڈومیلی پولیس نے کارروائی کرتے ہوئے 3 منشیات فروش ملزمان فضل، قیصر اور غلام یٰسین کو گرفتار کر لیا، ملزمان کے قبضہ سے 15 لیٹر شراب برآمدکر کے ملزمان کے خلاف الگ الگ مقدمات درج کر لیے۔
تھانہ جلالپور شریف پولیس نے کارروائی کرتے ہوئے آتش بازی کا سامان فروخت کرنے والے ملزم اشفاق کو گرفتار کر لیا، ملزم کے قبضہ سے 60 پھل جھڑیاں، 58 ڈبیاں ماچس پٹاخے اور 12 ڈبیاں چائنہ پٹاخے برآمد کر کے مقدمہ درج کر لیا۔
تھانہ سوہاوہ پولیس نے کارروائی کرتے ہوئے آتش بازی کا سامان فروخت کرنے والے ملزم حمزہ کو گرفتار کر لیا، ملزم کے قبضہ سے 100 ڈبیاں پٹاخے برآمدکر کے مقدمہ درج کر لیا۔
تھانہ سٹی پولیس نے کارروائی کرتے ہوئے آتش بازی کا سامان فروخت کرنے والے 2 ملزمان اکبر اور نقاش کو گرفتار کر لیا،ملزمان کے قبضہ سے 3 پیکٹ پھل جھڑیاں، 5 ڈبیاں چائنہ پٹاخے، 14 ڈبیاں ماچس بمب اور 1 ڈبی انار برآمد کر کے ملزمان کے خلاف مقدمات درج کر لیے
ڈی پی او جہلم ناصر محمود باجوہ نے کہا کہ آتش بازی جیسے خطرناک کھیل کی روک تھام ہم سب ذمہ داری ہے، قانون شکن عناصر کو آہنی ہاتھوں نمٹا جائے گا۔ جرائم پیشہ عناصر کے خلاف کارروائیاں جاری رہیں گی۔