جہلم میں جعلی و مضر صحت اشیاء کی فروخت عروج پر، بچے موذ ی بیماریوں میں مبتلا ہونے لگے

جہلم: ضلع بھر میں جعلی و مضر صحت اشیاء کی فروخت عروج پر شہری بالخصوس بچے موذ ی بیماریوں میں مبتلا ہونے لگے۔

تفصیلات کے مطابق ضلع بھر میں ملاوٹ شدہ مرچیں ، جعلی چائے کی پتی ، مصالحے جات ، دالیں، دودھ دہی و دیگر اشیاء خوردونوش غیر معیاری مضر صحت اجزاء سے تیار کردہ نمکو ، پاپڑ چپس ،ٹافیاں ، املی ، چیونگم ، بسکٹس ، چورن جوسسز ، ٹاٹری اور دیگر اشیاء خوردونوش کی جگہ جگہ گلی محلوں کریانہ سٹوروں پر سرعام فروخت جاری ہے ، ضلع بھر کی دکانوں میں زائد المعیاد اشیاء خوردونوش بھی فروخت ہو رہی ہیں ، جسکے باعث بڑوں کے ساتھ ساتھ بچے بھی مختلف موذی بیماریوں میں مبتلا ہو رہے ہیں۔

شہریوں نے ڈی جی پنجاب فوڈ اتھارٹی سے مطالبہ کیا ہے کہ جعلی و مضرصحت اشیاء خوردونوش فروخت کرنے اور شہری علاقوںمیں منی فیکٹریاں لگاکر مقامی طور پر ساشے تیار کرنے والے افراد کے خلاف سختی سے از خود نوٹس لیتے ہوئے کارروائیاں کی جائیں تاکہ شہر ی اور بچے مختلف بیماریوں سے محفوظ رہ سکیں۔