دینہ پولیس کا مختلف علاقوں میں سرچ آپریشنز، غیرقانونی طور پر مقیم افغانی سمیت 5 ملزمان گرفتار
دینہ پولیس کا مختلف علاقوں میں سرچ آپریشنز،سرچ آپریشنز میں گھروں، کرایہ داروں کے کرایہ داری کوائف، دکانوں، ہوٹلز، ہوسٹلز اور متعدد افراد کی چیکنگ، غیر قانونی طور پر مقیم افغانی سمیت 5 ملزمان گرفتار کر لئے گئے۔
تفصیلات کے مطابق سرچ آپریشنز کے دوران بغیر کرایہ داری اندراج کے رہائش پذیر 3 ملزمان سمیت بغیر پاسپورٹ رہائش پذیر ملزم اور پتنگ فروش ملزم گرفتارکر لیا۔
ایس ایچ او دینہ عمران عباس اور ٹیم نے بغیر کرایہ داری کوائف اندراج رہائش پذیر ملزمان صدام، نوید اور ریاض کو گرفتار کر لیا جبکہ بغیر پاسپورٹ غیر قانونی طور پر پاکستان میں داخل ہو کر رہائش پزیر ملزم رحیم اللہ کو بھی گرفتار کر لیا۔
دینہ پولیس نے ایک اور کارروائی میں پتنگ فروش ملزم جاوید کو گرفتار کر لیا،ملزم کے قبضہ سے 10 پتنگیں برآمد کر کے ملزمان کے خلاف الگ الگ مقدمات درج کر لیے گئے۔
ڈی پی او جہلم ناصر محمود باجوہ نے حکم دیا کہ سرچ آپریشن کا مقصد سماج دشمن اور جرائم پیشہ عناصر کے خلاف کارروائی کر کے پرامن معاشرے کی تشکیل ہے۔