جہلم میں پنجاب پولیس میں بھرتی ہونے والوں کے لیے اہم خبر

جہلم: ضلع پولیس جہلم میں کانسٹیبلان،لیڈی کانسٹیبلان،ڈرائیور کانسٹیبلان اور ٹریفک اسسٹنٹس کی بھرتی کا عمل زیرِ نگرانی چیئرمین ریکروٹمنٹ بورڈ طیب حفیظ چیمہ ریجنل پولیس آفیسر گوجرانوالہ،ناصر محمود باجوہ ڈی پی او جہلم،اور منصور قمر ایس پی پی ایچ پی ہیڈکوارٹرز پنجاب مکمل ہو گیا۔

ترجمان جہلم پولیس کے مطابق جہلم پولیس کی تمام آرگنائیزیشنز میں بھرتی کے لئے خالی آسامیوں کے تناسب سے فی آسامی تین امیدواران کے لحاظ سے کل 155امیدواران کا انٹرویو کیا گیا۔ مشتہر کردہ خالی آسامیوں پر کیٹیگری وائز کل 55 امیدواران انٹرویو کے بعد بھرتی کے لئے(مشروط طور پر ) اہل قرار پائے۔

ترجمان نے بتایا کہ انٹرویو کے بعد پنجاب پولیس کانسٹیبل کی خالی آسامیوں پر28 مرد جبکہ 6 خواتین امیدواران اوپن میرٹ،لیڈیز کوٹہ پر 7، اقلیتی کوٹہ پر 2، ایکس آرمی کوٹہ پر ایک امیدوار کامیاب قرار، ڈرائیور کانسٹیبل کے کوٹہ پر ایک امیدوار کامیاب ہوا۔

ٹریفک اسسٹنٹ کی10خالی آسامیوں پرکل 6 مرد جبکہ 4 خواتین امیدواران بھر تی کے لئے اہل قرار پائیں۔

انہوں نے بتایا کہ مروجہ بھرتی قوانین کے مطابق10فیصد کے حساب سے 4 امیدواران پنجاب پولیس جب کہ ایک امیدوار ٹریفک اسسٹنٹ کی آسامی کے لئے ویٹنگ لسٹ پر رکھے گئے ہیں۔

ترجمان نے مزید بتایا کہ انٹرویو میں کامیاب امیدواران کے کوائف اور اسناد کی تصدیق کے بعد مجاز سرکاری ہسپتال سے طبعی معائنہ میں پاس ہونے کی شرط پر ذیل لف شدہ فہرست کے مطابق امیدواران متعلقہ کیٹیگریز میں بھرتی کے جائیں گے۔