جہلم: مقررہ قیمت پر روٹی نان فروخت نہ کرنے پر متعدد تندور سیل، بھاری جرمانے، 3 افراد گرفتار
شہریوں کو ریلیف سے محروم کرنے والوں کو ہوئی رعایت نہیں دیں گے، ڈپٹی کمشنر جہلم سمیع اللہ فاروق
جہلم: حکومت پنجاب کی مقررہ قیمت پر روٹی نان فروخت نہ کرنے پر متعدد تندور سیل، بھاری جرمانے، تین افراد کوگرفتار کر لیا گیا۔
تفصیلات کے مطابق پنجاب حکومت کی جانب سے مقرر کردہ روٹی اور نان کی قیمتوں پر عملدرآمد چیک کرنے کے لیے دو دن کے دوران 180 کے قریب انسپکشن کی گئی جس میں 28 مقامات پر قانون کی خلاف ورزی پائے جانے پر 2 تندور سیل کرکے تین افراد کو گرفتار کر لیا گیا جبکہ مختلف تندوروں کو ایک لاکھ، دس ہزار روپے کے قریب جرمانے بھی کئے گئے۔
ڈی سی جہلم کیپٹن (ر) سمیع اللہ فاروق نے پرائس کنٹرول مجسٹریٹس کو روٹی نان کے مقررہ ریٹ پر فروخت نہ کرنے پر بھاری جرمانے کرنے کی ہدایت کرتے ہوئے مقررہ ریٹ پر روٹی نان کی فراہمی یقینی بنانے کی ہدایت کی ہے۔
ہمیں فالو کریں
