ضلع جہلم میں گرانفروشوں کیخلاف کریک ڈاؤن، 10 دنوں میں 445 دکانداروں کو بھاری جرمانے
جہلم: ضلعی انتظامیہ کی جانب سے ضلع جہلم میں گرانفروشوں کیخلاف کریک ڈاؤن جاری، 10 دنوں میں 445 دکانداروں کو بھاری جرمانے کئے گئے۔
تفصیلات کے مطابق ضلعی انتظامیہ جہلم عوام کو مہنگائی سے نجات دلانے کے لئے ضلع بھر میں گرانفروشوں کے خلاف روزانہ کی بنیاد پر قانونی کارروائی کا عمل جاری رکھے ہوئے ہے تاکہ کوئی دکاندار اشیاء ضروریہ کے مقررہ نرخوں سے زائد قیمت وصول کر کے عوام کا استحصال نہ کر سکے۔
ڈپٹی کمشنر جہلم سیدہ رملہ علی کی ہدایت پر جہلم اور تحصیلوں میں اسسٹنٹ کمشنرز اور پرائس کنٹرول مجسٹریٹس نے گزشتہ 10 دن کے دوران 8244 چھاپے مارکر 445 خلاف ورزیاں پکڑی ہیں، جس پر گراں فروشوں کو مجموعی طور پر 6 لاکھ 48 ہزار 500 روپے کے جرمانے کئے گئے ہیں۔
ہمیں فالو کریں
