جہلم میں ڈکیتی کرنے والے 2 ڈکیت گرفتار، مال مسروقہ اور اسلحہ برآمد

جہلم میں ڈکیتی کرنے والے 2 ڈاکوؤں کو پولیس نے گرفتار کر لیا، پولیس نے مال مسروقہ اور اسلحہ برآمد کر لیا۔

تفصیلات کے مطابق جہلم کے تھانہ کالا گجراں کے ایس ایچ او اور ٹیم نے کارروائی کرتے ہوئے ملزمان کاشف اور دانیال کو گرفتار کر لیا، ملزمان سے واردات کے دوران چھینی گئی رقم 40 ہزار، ایک عدد موبائل فون اور واردات میں استعمال ہونے والا ناجائز اسلحہ برآمد کر لیا گیا۔

پولیس کا کہنا ہے کہ ملزمان کو ٹھوس شواہد کے ساتھ چالان عدالت کیا جائے گا اور قرار واقعی سزا دلوائی جائے گی۔