جہلم میں 14 سالہ لڑکے سے بدفعلی کرنے اور قتل کی دھمکیاں دینے والا درندہ صفت ملزم گرفتار

جہلم میں 14 سالہ لڑکے کے ساتھ جنسی زیادتی کرنے اور قتل کی دھمکیاں دینے والے درندہ صفت ملزم کو گرفتار کر لیا گیا۔

تفصیلات کے مطابق جہلم میں ایس ایچ او تھانہ صدر اور ٹیم نے اہم کارروائی کرتے ہوئے 14سالہ لڑکے سے بدفعلی کرنے اور جان سے مارنے کی دھمکیاں دینے والے ملزم سیدا گل کو گرفتار کر لیا۔

پولیس کا کہنا ہے کہ ملزم نے 14 سالہ لڑکے کو اپنی حویلی میں لے جا کر جنسی زیادتی کا نشانہ بنایا، ملزم کو ٹھوس شواہد کے ساتھ چالان عدالت کیا جائے گا اور قرار واقعی سزا دلوائی جائے گی۔