کرسمس کے موقع پر تمام مسیحی برادری کو مبارکباد پیش کرتے ہیں، ڈپٹی کمشنر جہلم میثم عباس

1

جہلم: میثم عباس نے کہا کہ کرسمس کے موقع پر تمام مسیحی برادری کو مبارکباد پیش کرتے ہیں۔ مسیحی برادری کی ملکی ترقی اور خوشحالی کے لیے خدمات قابل ستائش ہیں۔

ڈپٹی کمشنر جہلم محمد میثم عباس نے پریسبیٹرین چرچ آف پاکستان اور اٹرنل چرچ میں کرسمس کی تقریبات میں شرکت کے موقع پر مسیحی برادری سے خطاب کرتے ہوئے کہا کہ آج کے عظیم دن کرسچن کمیونٹی کو اپنی مذہبی رسومات کی ادائیگی کے لیے تمام سہولیات فراہم کی جا رہی ہیں۔

اس موقع پر اسسٹنٹ کمشنر جہلم شمس الرحمٰن بھی ان کے ہمراہ تھے۔ چرچ تقریبات میں پہنچنے پر کرسچن کمیونٹی کے رہنماؤں نے ڈپٹی کمشنر جہلم اور اسسٹنٹ کمشنر جہلم کا شاندار استقبال کیا۔ تقریبات کے آخر میں کرسمس کیک کاٹے گیا۔

اس موقع پر مسیحی مذہبی رہنماؤں اور سماجی شخصیات نے ضلعی انتظامیہ کی جانب سے کرسمس کے موقع پر بہترین انتظامات کرنے پر ڈپٹی کمشنر جہلم اور ضلعی انتظامیہ کا شکریہ ادا کیا۔