سوہاوہ میں جی ٹی روڈ پر پانچ گاڑیوں میں تصادم، زخمی ہسپتال منتقل

سوہاوہ میں جی ٹی روڈ پر پانچ گاڑیوں کے خوفناک تصادم ہوا تاہم خوش قسمتی سے کسی جانی نقصان نہیں ہوا۔ حادثہ شہر کے وسطی علاقے میں پیش آیا، جس سے جی ٹی روڈ پر ٹریفک کی روانی متاثر ہوئی۔

عینی شاہدین کے مطابق حادثہ اس وقت پیش آیا جب ایک کیری ڈبہ کے ڈرائیور کو اچانک ہارٹ اٹیک کی شکایت ہوئی، جس کے باعث وہ گاڑی پر قابو نہ رکھ سکا اور متعدد گاڑیاں آپس میں ٹکرا گئیں۔ حادثے کے فوراً بعد ریسکیو 1122 کی ٹیم موقع پر پہنچ گئی اور زخمیوں کو فوری طور پر ٹی ایچ کیو اسپتال منتقل کیا۔

سوہاوہ پولیس بھی فوری طور پر جائے وقوعہ پر پہنچ گئی اور ٹریفک کی روانی بحال کی۔ حادثے میں شامل گاڑیوں کو شدید نقصان پہنچا، لیکن خوش قسمتی سے تمام مسافر محفوظ رہے۔

پولیس نے حادثے کی مزید تحقیقات کا آغاز کر دیا ہے تاکہ واقعے کی مکمل تفصیلات معلوم کی جا سکیں۔