پنڈدادنخان میں گھریلو ناچاقی پر 32 سالہ شخص نے خودکشی کر لی

پنڈدادنخان میں گھریلو ناچاقی پر 32 سالہ شخص پھندے سے جھول گیا۔

تفصیلات کے مطابق جہلم کی تحصیل پنڈدادنخان میں گھریلو ناچاقی کے باعث 32 سالہ صغیر نے گلے میں پھندا ڈال کر خودکشی کر لی۔ متوفی کی لاش درخت سے لٹکتی ہوئی ملی، جسے اسپتال منتقل کر دیا گیا۔

ریسکیو ذرائع کے مطابق راہ گیر نے درخت سے لٹکتی لاش دیکھ کر فوری طور پر پولیس اور ریسکیو 1122 کو اطلاع دی، جس پر امدادی ٹیمیں موقع پر پہنچ گئیں۔ متوفی کی شناخت صغیر صفدر کے نام سے ہوئی، جو نوگراں کا رہائشی تھا۔

پولیس کا کہنا ہے کہ ضابطے کی کارروائی مکمل کرنے کے بعد لاش کو ورثاء کے حوالے کر دیا جائے گا۔