وزیر داخلہ محسن نقوی کا جہلم کے شہید کانسٹیبل حیدر علی کو خراج عقیدت
وفاقی وزیر داخلہ محسن نقوی نے جہلم میں سیلاب متاثرین کو ریسکیو کرتے ہوئے ریلے میں بہہ جانے والے پولیس کانسٹیبل حیدر علی کی قربانی کو خراج عقیدت پیش کیا ہے ۔
وزارت داخلہ کی طرف سے جمعہ کو جاری بیان میں وزیر داخلہ محسن نقوی نے کہا کہ پنجاب پولیس کے کانسٹیبل حیدر علی نے دوسروں کی زندگیاں بچاتے ہوئے اپنی جان نچھاور کرکے فرض شناسی کی اعلی مثال قائم کی۔
محسن نقوی نے کہا کہ شہید کانسٹیبل حیدر علی کی عظیم قربانی کو سلام پیش کرتے ہیں۔ وزیر داخلہ نے کہا کہ کانسٹیبل حیدر علی نے اپنی جان کی بازی لگا کر کئی لوگوں کی زندگیاں بچائیں۔ انہوں نے کہا کہ شہید کانسٹیبل حیدر علی قوم کا ہیرو ہے جس نے فرض پر آنچ نہیں آنے دی ۔
محسن نقوی نے کہا کہ کانسٹیبل حیدر علی نے بہادری کی شاندار نظیر قائم کی ہے، کانسٹیبل حیدر علی کی لازوال قربانی کو قوم ہمیشہ یاد رکھے گی۔ وفاقی وزیر داخلہ محسن نقوی نے شہید کانسٹیبل حیدر علی کے لواحقین سے دلی ہمدردی و اظہار تعزیت کیا اور کہا کہ شہید کانسٹیبل حیدر علی کے خاندان کے ساتھ کھڑے ہیں۔
