جہلم میں پولیس نے چور کو دھر لیا، طلائی زیورات برآمد

جہلم پولیس کی کامیاب کارروائی، چوری میں ملوث ملزم کو گرفتار کر کے طلائی زیورات برآمد کر لئے۔

تفصیلات کے مطابق ڈسٹرکٹ پولیس آفیسر جہلم طارق عزیز سندھو کی ہدایت پر پولیس کی چوروں کے خلاف کارروائیاں جاری ہیں۔ تازہ کارروائی میں تھانہ سٹی پولیس نے چوری کے مقدمے میں مطلوب ملزم کو گرفتار کر کے طلائی زیورات برآمد کر لیے۔

ایس ایچ او تھانہ سٹی اور ان کی ٹیم نے کارروائی کرتے ہوئے ایک ملزم کو گرفتار کیا جو ایک چوری کے مقدمے میں ملوث تھا۔ گرفتار ملزم کے قبضے سے 2 لاکھ روپے مالیت کے طلائی زیورات برآمد کر لیے گئے ہیں۔

ملزم کے خلاف تھانہ سٹی میں مقدمہ درج کر لیا گیا ہے، جبکہ پولیس نے مزید تفتیش کا آغاز کر دیا ہے۔

ڈی پی او جہلم طارق عزیز سندھو نے پولیس ٹیم کی کارکردگی کو سراہتے ہوئے کہا ہے کہ جرائم پیشہ عناصر کے خلاف کارروائیاں بلا امتیاز جاری رہیں گی اور عوام کے جان و مال کے تحفظ کو ہر صورت یقینی بنایا جائے گا۔