جہلم میں سیلاب کے بعد مہنگائی کا طوفان، عوام پریشان

جہلم شہر اور گردونواح میں سیلاب کے بعد اشیائے خوردونوش عوام کی پہنچ سے دور ہو گئی ہیں۔ معیاری آٹا نایاب ہو چکا ہے جبکہ دکاندار سرکاری نرخنامے کو نظر انداز کر کے من مرضی کے نرخ وصول کر رہے ہیں۔

شہریوں نے انتظامیہ اور پرائس کنٹرول مجسٹریٹس کی کارکردگی پر شدید تحفظات کا اظہار کرتے ہوئے کہا کہ مہنگائی پر قابو پانے میں وہ مکمل طور پر ناکام نظر آ رہے ہیں۔

عوام نے وزیراعلیٰ پنجاب مریم نواز شریف، چیف سیکرٹری پنجاب اور کمشنر راولپنڈی سے فوری نوٹس لے کر سرکاری نرخنامے پر عملدرآمد کرانے کا مطالبہ کیا ہے تاکہ گراں فروشی اور مہنگائی کا خاتمہ ممکن بنایا جا سکے۔