جہلم کا رہائشی شخص گوجرخان کچہری کے قریب غیرت کے نام پر قتل

جہلم کے نواحی علاقہ کا رہائشی شخص کو گوجرخان کچہری کے قریب مبینہ غیرت کے نام پر قتل کر دیا گیا، پولیس نے ملزم کو گرفتار کر لیا۔

تفصیلات کے مطابق جہلم کے علاقہ گڑھاسلیم کےرہائشی افراسیاب ولد مظہر حسین کو گوجرخان کے علاقہ کچہری کے قریب مبینہ غیرت کے نام پر فائرنگ کر کے قتل کر دیا گیا۔

گوجرخان پولیس نے فوری کارروائی کرتے ہوئے ملزم شہزاد کو موقع سے تحویل میں لے لیا، ابتدائی اطلاعات کے مطابق ملزم شہزاد نے غیرت کے نام پر فائرنگ کر کے افراسیاب کو قتل کیا۔

ذرائع کے مطابق مقتول نے ملزم شہزاد ولد ربنواز سکنہ گڑھا سلیم جہلم کی بہن کے ساتھ پسند کی شادی کر رکھی تھی جس پر ملزم کو رنج تھا اور فائرنگ کر کے افراسیاب کو قتل کر دیا۔

پولیس حکام نے بتایا کہ نعش کو پوسٹ مارٹم کے لیے ہسپتال منتقل کر دیا، واقعہ کا مقدمہ تھانہ گوجرخان میں درج کیا جا رہا ہے۔