بغیر لائسنس ڈرائیونگ قابل قبول نہیں، شہری بغیر ٹیسٹ دیے ڈرائیونگ لائسنس بنوائیں، ڈی ایس پی ٹریفک جہلم طارق شفیع

جہلم: ایڈیشنل آئی جی ٹریفک پنجاب مرزا فاران بیگ کے احکامات اور ڈسٹرکٹ پولیس آفیسر جہلم ناصر محمود باجوہ کی زیرِ نگرانی ڈی ایس پی ٹریفک جہلم طارق شفیع نے ٹریفک دفتر جہلم میں کھلی کچہری کا انعقاد کیا۔

انہوں نے شہریوں کو ڈرائیونگ لائسنس کے بارے میں آگاہ کیا اور بتایا کہ 42 دن والا موٹر سائیکل کا جو دورانیہ تھا اس کو ایڈیشنل آئی جی ٹریفک مرزا فان بیگ نے ختم کر دیا گیا ہے۔ ڈی پی او جہلم کی اجازت سے ہم نہ یہ ٹیسٹ لے رہے ہیں اور ایک ہی دن میں اس کو مکمل کیا جا رہا ہے۔

ڈی ایس پی ٹریفک جہلم طارق شفیع نے بتایا کہ کوئی شہری کسی ٹاؤٹ کو پیسے نہ دے اور کسی کے جھانسے میں نہ آئے۔ سرکاری فیس ادا کرے اور موٹرسائیکل کا لائسنس بنوائیں۔ شہری جیسے جیسے آتے ہیں ان کے لائسنس بنتے جاتے ہیں۔

انہوں نے کھلی کچہری میں عوام الناس کے مسائل سنے اور موقع پر احکامات جاری کیے۔

انہونے کہا کہ والدین کم عمر بچوں کو گاڑی یا موٹرسائیکل چلانے کی اجازت نہ دیں۔ موٹر سائیکل سوار ہیلمٹ کا استعمال کریںم سائیڈ ویو شیشے لگوائیں، ون ویلنگ ایک جان لیوا کھیل ہے اس سے اجتناب کریںم رانگ پارکنگ اور تجاوزات سے پرہیز کریں ۔

سیف سٹی اتھارٹی کنٹرول روم کا دورہ

بعد ازاں ڈسٹرکٹ ٹریفک آفیسر جہلم طارق شفیع نے سیف سٹی اتھارٹی کنٹرول روم کا وزٹ کیا اور مختلف جگہوں پر نصب کیمروں کا جائزہ لیا۔

ڈی ایس پی ٹریفک کو بریفنگ میں بتایا گیا کہ جہلم میں سیف سٹی کیمروں کی مکمل ورکنگ شروع ہوچکی ہے۔

اس موقع پر ڈسٹرکٹ ٹریفک آفیسر جہلم نے عوام سے اپیل کی کہ وہ قوانین پر عمل کریں تاکہ چالان سے بچ سکیں کیونکہ چالان انکے گھر کے پتے پر جاری ہوں گے۔ سیف سٹی کیمروں سے ٹریفک قوانین کی خلاف ورزی اور حادثات میں کمی آئے گی جبکہ یہ محفوظ جہلم کے لیے اہم اقدام ہوگا۔