جہلم میں درجہ دوم گھی اور آئل کی قیمتوں میں اضافہ، ہول سیل ریٹس بڑھ گئے

جہلم میں درجہ دوم گھی اور کوکنگ آئل کی ہول سیل قیمتوں میں 18 سے 25 روپے فی کلو تک اضافہ کر دیا گیا ہے، جس کے باعث مارکیٹ میں مہنگائی کا نیا رجحان دیکھنے میں آ رہا ہے۔

مارکیٹ ذرائع کا کہنا ہے کہ رمضان المبارک کے دوران درجہ دوم گھی کے 12 پیکٹ کی پیٹی 6144 روپے میں فروخت ہو رہی تھی، تاہم اب قیمتوں میں اضافے کے بعد اس میں نمایاں اضافہ دیکھنے میں آیا ہے۔

اسی طرح درجہ دوم آئل کی 12 پیکٹ کی پیٹی، جو پہلے تقریباً 6300 روپے میں فروخت ہو رہی تھی، اب 300 روپے اضافے کے بعد 6630 روپے میں فروخت کی جا رہی ہے۔

ذرائع کے مطابق قیمتوں میں حالیہ اضافے کے باعث نہ صرف ہول سیل مارکیٹ بلکہ ریٹیل سطح پر بھی قیمتیں مزید بڑھنے کا خدشہ ہے، جس سے عام صارفین متاثر ہوں گے۔