سوہاوہ میں انسانیت سوز واقعہ، والد کا ساڑھے تین سالہ بچی پر ظالمانہ تشدد، بچی اسپتال منتقل

سوہاوہ میں انسانیت سوز واقعہ، والد کا اپنی ساڑھے تین سالہ بچی کو ظالمانہ تشدد کا نشانہ بنا ڈالا، بچی کو اسپتال منتقل کر دیا گیا۔

تفصیلات کے مطابق جہلم کی تحصیل سوہاوہ میں ایک انسانیت سوز واقعے میں والد نے اپنی ساڑھے تین سالہ بیٹی مسکان پر ظالمانہ تشدد کیا، جس کے نتیجے میں بچی شدید زخمی ہو گئی اور اسے فوری طور پر اسپتال منتقل کیا گیا۔ پولیس نے والد کو حراست میں لے لیا ہے۔

پولیس کے مطابق بچی کے جسم پر متعدد زخموں کے نشانات موجود ہیں اور اس کے بازو اور ٹانگ کی ہڈی بھی ٹوٹ گئی ہے۔ اہل علاقہ کی اطلاع پر پولیس نے فوری کارروائی کرتے ہوئے مقدمہ درج کیا اور بچی کو محفوظ مقام پر اسپتال منتقل کیا۔

ابتدائی تحقیقات کے دوران معلوم ہوا کہ ملزم چندزیب روزانہ بچی کو باندھ کر تشدد کا نشانہ بناتا تھا۔ بچی کی والدہ کے انتقال کے بعد والد نے اسے واپس لے کر سوہاوہ اپنے گھر لے آیا تھا۔ پولیس کے مطابق بچی اکثر واپس چکوال جانے پر ضد کرتی تھی، جس پر والد ظالمانہ تشدد کا سہارا لیتا۔

پولیس کا کہنا ہے کہ میڈیکل رپورٹ موصول ہونے کے بعد مقدمے میں ضروری دفعات میں اضافہ کیا جائے گا تاکہ والد کے خلاف قانون کے مطابق سخت کارروائی عمل میں لائی جا سکے۔