سوہاوہ کے علاقے مسہ کسوال جی ٹی روڈ پنڈ متے خان کے قریب کنکریٹ مکسر مشین اور تیز رفتار ٹرک کے درمیان پیش آنے والے افسوسناک حادثے میں 18 سالہ نوجوان جاں بحق ہو گیا۔
ریسکیو 1122 جہلم کے مطابق جہلم کی تحصیل سوہاوہ میں کنٹرول روم کو موٹروے پولیس کی جانب سے روڈ ٹریفک حادثے کی اطلاع موصول ہوئی، جس پر قریبی ریسکیو ایمبولنس کو فوری طور پر جائے حادثہ کی جانب روانہ کیا گیا۔
ابتدائی اطلاعات کے مطابق نوجوان کنکریٹ مکسر مشین کا ٹائر تبدیل کر رہا تھا کہ اسی دوران ایک تیز رفتار ٹرک بے قابو ہو کر اس سے ٹکرا گیا۔ حادثے کے نتیجے میں نوجوان کے سر پر شدید چوٹیں آئیں اور وہ موقع پر ہی جاں بحق ہو گیا۔
ریسکیو 1122 کی ٹیم نے موقع پر پہنچ کر ضروری کارروائی مکمل کی اور جاں بحق ہونے والے نوجوان کی لاش تحصیل ہیڈکوارٹر (THQ) ہسپتال سوہاوہ منتقل کر دی۔
جاں بحق ہونے والے نوجوان کی شناخت محمد طیب ولد محمد اصغر سکنہ تلہ گنگ ضلع چکوال کے نام سے ہوئی ہے۔
-
-
-
-
