جہلم پولیس کا سامان آتش بازی بیچنے والے ملزمان کے خلاف بڑا کریک ڈاؤن، 5 ملزمان گرفتار
جہلم پولیس کا سامان آتش بازی بیچنے والے ملزمان کے خلاف بڑا کریک ڈاؤن، سامان آتش بازی بیچنے والے 5 ملزمان گرفتارکر کے بڑی مقدار میں سامان آتش بازی برآمد کر لیا گیا۔
تفصیلات کے مطابق ڈسٹرکٹ پولیس آفیسر جہلم ناصر محمود باجوہ کے احکامات پر دینہ پولیس نے کارروائی کرتے ہوئے 3 ملزمان ساجد علی ،کاظم شاہ اور پرویز حسین کو گرفتار کر لیا۔ ملزمان سے پھلجھڑی 6 پیکٹ، چھوٹا پٹاخہ 7 عدد، مسٹر بم پٹاخہ 5 ڈبیاں، پوپ پوپ 8 پیکٹ، چکری پٹاخہ 7 ڈبے، چھوٹا انار 1 پیکٹ، ماچس پٹاخہ20 ڈبیاں، انار بڑے 2 عدد، شہنائی چھوٹی 5 بنڈل اور ماچس 10 عدد برآمد کر کے مقدمات درج کر لئے۔
جلالپور شریف پولیس نے کارروائی کرتے ہوئے ملزم بابر ولایت کو گرفتار کر لیا،ملزم سے انار 8 عدد، ماچس پٹاخے30ڈبیاں، چوہا پٹاخے 50 عدد، پٹاخہ پسٹل آرٹیفیشل 3 عدد، تڑتڑ 3 ڈبیاں، مینڈک پٹاخہ 5 عدد اور ماچس 8 عدد برآمد کر کے مقدمہ درج کر لیا۔
ڈومیلی پولیس نے کارروائی کرتے ہوئے ملزم عرفان حسین کو گرفتار کر لیا، ملزم سے پوپ پوپ 4 ڈبے، شہنائی چھوٹی22 عدد، چکری 5 ڈبے اور پاپ پاپ پٹاخے 5 پیکٹ برآمد کر کے مقدمہ درج کر لیا۔
ڈی پی او جہلم ناصر محمود باجوہ کا کہنا تھا کہ آتش بازی جیسے خطرناک کھیل کی روک تھام ہم سب کی ذمہ داری ہے، قانون شکن عناصر سے آہنی ہاتھوں سے نمٹا جائے گا۔
