پنڈدادنخان پولیس کی کارروائی، نقب زنی کے مقدمات میں مطلوب اشتہاری مجرم گرفتار

پنڈدادنخان پولیس کی اہم کارروائی، نقب زنی کے مقدمات میں مطلوب اشتہاری مجرم گرفتار کر لیا گیا۔

تفصیلات کے مطابق ڈی پی او جہلم طارق عزیز سندھو کی خصوصی ہدایت پر ایس ایچ او تھانہ پنڈدادنخان کی زیرِ نگرانی انچارج چوکی سٹی پنڈدادنخان اور ٹیم نے کامیاب کارروائی کرتے ہوئے ملزم کو گرفتار کیا۔

پولیس کے مطابق ملزم سال 2024 سے نقب زنی کے مختلف مقدمات میں مطلوب تھا اور گرفتاری سے بچنے کے لیے طویل عرصہ سے روپوش تھا۔

تھانہ پنڈدادنخان پولیس نے جدید سائنٹیفک طریقہ کار استعمال کرتے ہوئے مجرم کا سراغ لگایا اور اسے گرفتار کر لیا۔

ڈی پی او جہلم طارق عزیز سندھو نے کہا کہ ضلع بھر میں اشتہاری مجرمان کے خلاف کریک ڈاؤن جاری ہے، ایسے تمام عناصر کو قانون کے کٹہرے میں لایا جائے گا جو معاشرے کے امن کو نقصان پہنچانے میں ملوث ہیں۔