دینہ میں 18 سالہ نوجوان کو حبس بے جا میں رکھ کر بدفعلی کا نشانہ بنانے والا ملزم گرفتار

دینہ: پولیس نے کارروائی کرتے ہوئے 18 سالہ نوجوان کو حبس بے جا میں رکھنے اور اس کے ساتھ جنسی زیادتی کے الزام میں ملوث ملزم کو گرفتار کر لیا ہے۔

تفصیلات کے مطابق جہلم کی تحصیل دینہ میں ایس ایچ او تھانہ دینہ اور ان کی ٹیم کو واقعہ کی اطلاع موصول ہوئی جس پر فوری مقدمہ درج کر کے کارروائی عمل میں لائی گئی۔ پولیس نے کارروائی کرتے ہوئے 18 سالہ نوجوان کو حبس بے جا میں رکھ کر بدفعلی کا نشانہ بنانے کے الزام میں ملوث ملزم کو گرفتار کر لیا۔

پولیس کے مطابق گرفتار ملزم کو ٹھوس شواہد کے ساتھ چالان کر کے عدالت کے روبرو پیش کیا جائے گا اور قانون کے مطابق قرار واقعی سزا دلوانے کے لیے تمام قانونی تقاضے پورے کیے جائیں گے۔

ڈسٹرکٹ پولیس آفیسر جہلم شفیق احمد چوہدری کا کہنا ہے کہ خواتین اور بچوں کے ساتھ زیادتی جیسے مقدمات میں زیرو ٹالرنس پالیسی پر عمل کیا جا رہا ہے اور ایسے جرائم میں ملوث عناصر کے خلاف سخت کارروائی عمل میں لائی جائے گی۔