صدر دینہ پریس کلب سید توقیر آصف شاہ کے والد مرحوم سید ہارون الرشید شاہ کی رسم چہلم ادا کر دی گئی

دینہ: صدر دینہ پریس کلب سید توقیر آصف شاہ کے والد مرحوم سید ہارون الرشید شاہ کے ایصال ثواب کیلئے ختم چہلم کی محفل کا انعقاد، سیاسی، سماجی، مذہبی اور صحافتی شخصیات نے شرکت کی۔

تفصیلات کے مطابق صدر دینہ پریس کلب سید توقیر آصف شاہ، سید عمر زبیر شاہ اور سید شاہ زیب شاہ کے والد محترم سید ہارون الرشید شاہ مرحوم کے ایصالِ ثواب کے لیے ختم چہلم کی تقریب ان کے آبائی گاؤں پیر بچھر شریف میں عقیدت و احترام کے ساتھ منعقد ہوئی، جس میں علماء کرام، مشائخ عظام، صحافیوں، تاجروں، سیاسی و سماجی شخصیات اور اہلِ علاقہ کی بڑی تعداد نے شرکت کی۔

تقریب کی صدارت پیر سید توقیر آصف شاہ نے کی جبکہ معروف روحانی شخصیت پیر فخر نذیر قاسم موہڑوی سمیت متعدد مشائخ اور علمائے کرام تقریب میں شریک ہوئے۔

تقریب کا آغاز تلاوتِ قرآن پاک سے کیا گیا، جس کے بعد بارگاہِ رسالت مآب ﷺ میں نعتِ رسول مقبول ﷺ پیش کی گئی۔ بعد ازاں علماء کرام اور مشائخ عظام نے زندگی، موت، آخرت، اہلبیت کی شان اور اسلامی تعلیمات کے مختلف پہلوؤں پر تفصیلی بیانات کیے اور مرحوم کے لیے دعائے مغفرت کی۔

اس موقع پر پیر فخر نذیر قاسم موہڑوی نے سید توقیر آصف شاہ کی دستار بندی بھی کی جبکہ تقریب کے اختتام پر سید ہارون الرشید شاہ مرحوم کے ایصالِ ثواب، درجات کی بلندی اور لواحقین کے لیے صبرِ جمیل کی خصوصی دعا کی گئی۔

ختم چہلم میں دینہ پریس کلب کے سرپرستِ اعلیٰ امجد محمود سیٹھی، چیئرمین پروفیسر خورشید ڈار، سینئر نائب صدر عرفان محبوب چوہدری، جنرل سیکرٹری عادل چوہدری، جوائنٹ سیکرٹری احمد ندیم، انفارمیشن سیکرٹری ظہیر عباس، حاجی اظہر چوہدری، ڈاکٹر ظہیر احمد بٹ، رضوان سیٹھی، سعید میر نے شرکت کی۔

محفل پاک میں سید ذوالقرنین شاہ، اقبال خان، ندیم عباس، دستگیر، شہزاد چوہدری، اشتیاق میر، رضوان میر، میاں ریحان، میاں سجاد، افتخار احمد خان، میاں آصف، چوہدری محمد فیاض، چوہدری محمد افضل، علامہ مولانا نوید سلطانی، علامہ قاری اشتیاق نقشبندی، حافظ قاری عامر سمیت متعدد مذہبی، سیاسی، سماجی اور صحافتی شخصیات نے شرکت کی۔

اس کے علاوہ صاحبزادگان پیر سید عبدالغفار شاہ، پیر سید علامہ حامد شاہ، پیر سید عبدالجبار شاہ، پیر سید عبدالستار شاہ، مریدین اور اہلِ علاقہ کی بڑی تعداد بھی تقریب میں شریک ہوئی اور مرحوم کے ایصالِ ثواب کے لیے فاتحہ خوانی اور دعا میں حصہ لیا۔