سعودی عرب کا اقامہ رکھنے والے پاکستانیوں کے لیے اہم خبر

سعودی عرب میں رہائش کے لیے آپ کے پاس اقامہ ہونا ضروری ہے جس کی وجہ سے آپ قانونی رہائشی تصور کیے جاتے ہیں اور اقامہ کی تجدید بھی کروانی لازمی ہوتی ہے۔

2023 کے سروے کے مطابق سعودی عرب میں غیر ملکیوں کی کل تعداد 10 ملین سے زائد ہے، سعودی گیزٹ میں گزشتہ سال کی رپورٹ کے مطابق ہندوستانی، پاکستانی، مصری، یمنی اور بنگالی ایک کروڑ سے زائد افراد ملازمت کررہے ہیں۔

سعودی عرب میں تین ملین ہندوستانی، 25 لاکھ پاکستانی، 2 اعشاریہ 2 ملین مصری، 1 اعشاریہ 4 ملین یمنی اور 1 اعشاریہ 2 بنگالی شہری موجود ہیں۔

سعودی عرب ایگزٹ اور ری انٹری ویزا فیس

ایگزٹ اور ری انٹری ویزا میں توسیع کے لیے اپ ڈیٹ شدہ فیس 103 اعشاریہ 5 سعودی ریال ہے۔

اقامہ تجدید فیس

سعودی عرب میں ابشر بزنس پلیٹ فارم نے رہائشی اجازت نامے یا اقامہ کی تجدید کی فیس 57 اعشاریہ 75 سعودی ریال میں مقرر کی ہے۔

فائنل ایگزٹ کی فیس 70 سعودی ریال مقرر کی گئی ہے، اقامہ کے اجرا کی تازہ ترین فیس 5 اعشاریہ 75 سعودی ریال مقرر ہے۔

تاہم غیرملکیوں کے لیے پاسپورٹ کی معلومات کو اپ ڈیٹ کرنے کی فیس 69 سعودی ریال ہے۔

سوشل میڈیا پوسٹ میں ابشر بزنس پلیٹ فارم میں کہا گیا ہے کہ فیس افراد کو فراہم کی جانے والی خدمات کے بدلے وصول کی جاتی ہے۔