برطانوی ہائی کمشنر کی معروف گلوکار زین ملک کو پاکستان آنے کی دعوت
پاکستان میں برطانوی ہائی کمشنر جین میریٹ نے معروف گلوکار زین ملک کو پاکستان آنے کی دعوت دے دی۔
سماجی رابطے کی ویب سائٹ ایکس پر برطانوی ہائی کمشنر نے برطانوی گلوکار زین ملک کو ٹیگ کرتے ہوئے انہیں پاکستان آنے کی دعوت دی۔ انہوں نے اپنی ٹویٹ میں گلوکار کے اردو میں گائے گئے گانے کی خبر کا حوالہ بھی دیا۔
جین میریٹ نے لکھا کہ ‘زین ملک اب وقت ہے کہ آپ پاکستان کا ٹور پلان کریں، مجھے پاکستان اور برطانیہ کے درمیان میوزک بینڈ ’اور‘ کے ساتھ اردو زبان میں ہونے والا یہ اشتراک بہت پسند آیا۔’
Time to plan your Pakistan tour, @zaynmalik! Loving this UK-Pakistan Urdu collaboration with Aur. https://t.co/HGMb80PCN2
— Jane Marriott (@JaneMarriottUK) January 29, 2024
خیال رہے کہ زین ملک نے حال ہی میں پاکستانی میوزک بینڈ ’اور‘ کے ساتھ مل کر ایک ہٹ گانے’تو ہے کہاں‘ کو نئے انداز میں پیش کیا تھا۔ اس گانے کو اب تک 9 ملین سے زائد ویوز مل چُکے ہیں۔
Out Now! Tu Hai Kahan (feat. ZAYN)
Link in bio. pic.twitter.com/nI1KmU1oPZ— AUR (@AURmusic__) January 12, 2024
