امریکا اور کینیڈا کی سرحد پر دھماکا: دہشتگردی کا کوئی سراغ نہیں ملا، پولیس
امریکا اور کینیڈا کی سرحد کے قریب دھماکے کے نتیجے میں دو افراد کے ہلاک ہونے کے واقعے میں دہشت گردی کا کوئی سراغ نہیں ملا ہے۔
این بی سی نیوز کے مطابق ایف بی آئی نے بُدھ کی رات کو کہا کہ سرحد کے قریب ہونے والے دھماکے کو پولیس کو تفتیش کے طور پر بھیج دیا گیا ہے کیونکہ واقعے میں دھماکا خیز مواد یا دہشت گردی کا کوئی سراغ نہیں ملا ہے۔
میڈیا رپورٹس کے مطابق بدھ کے روزامریکا اور کینیڈا کی سرحد کے قریب ’رینبو برج‘ پر گاڑی میں دھماکے سے دو افراد ہلاک ہو گئے تھے، گاڑی کینیڈا کی جانب سے آرہی تھی اور سرچ پوائنٹ کے قریب پہنچ کر پھٹ گئی۔
رینبو برج کینیڈا کو نیویارک سے ملاتا ہے، جبکہ واقعے کی اطلاع ملتے ہی امریکی حکام ایف بی آئی اور امریکی کسٹمز اور بارڈر پروٹیکشن فورس سمیت جائے وقوع پر پہنچ گئے تھے۔
https://twitter.com/BowTiedBroke/status/1727404514360295506
حکام کے مطابق وائٹ ہاؤس کا کہنا ہے کہ وہ نیاگرا فال کے قریب پیش آنے والے رینبو برج واقعے پر گہری نظر رکھے ہوئے ہے اور صدر جو بائیڈن کو بھی اس حوالے سے آگاہ کر دیا گیا ہے۔
کینیڈین وزیراعظم جسٹن ٹروڈو نے پارلیمنٹ کو بتایا کہ یہ بہت سنگین صورتحال ہے اور انہوں نے چار کراسنگ کو بند کرنے کا اعلان کیا ہے۔
I’ve been briefed on the incident on the Rainbow Bridge in Niagara Falls and we are closely monitoring the situation. State agencies are on site and ready to assist.
— Governor Kathy Hochul (@GovKathyHochul) November 22, 2023
نیویارک کی گورنر کیتھی ہوچول نے کہا کہ پولیس اور ایف بی آئی کی مشترکہ دہشت گردی ٹاسک فورس ریاست میں داخلے کے تمام راستوں کی نگرانی کر رہی ہے۔
رپورٹس میں بتایا گیا ہے کہ کار میں دو افراد سوار تھے، جو ایک بارڈر چیک پوائنٹ سے گزری تھی، کار پھر تیز ہوئی اور ایک رکاوٹ سے ٹکرا کر پھٹ گئی۔
