پنڈدادنخان پولیس کی کامیاب کارروائی، ڈکیتی میں ملوث ملزم گرفتار

پنڈدادنخان: تھانہ پنڈدادنخان پولیس نے کامیاب کارروائی کرتے ہوئے ڈکیتی کے مقدمات میں ملوث ایک ملزم کو گرفتار کر لیا۔

پولیس کے مطابق کارروائی کے دوران گرفتار ملزم احسان کے قبضے سے چھینی گئی رقم 20 ہزار روپے اور موبائل فون برآمد کر لیا گیا۔ ایس ایچ او تھانہ پنڈدادنخان اور ان کی ٹیم نے مستعدی سے کارروائی کرتے ہوئے ملزم کو گرفتار کیا۔

پولیس کا کہنا ہے کہ ملزم کے خلاف تمام شواہد اکٹھے کر لیے گئے ہیں اور اسے جلد ہی ٹھوس ثبوتوں کے ساتھ عدالت میں چالان کیا جائے گا تاکہ اسے قانون کے مطابق سزا دلائی جا سکے۔