تھانہ منگلا کینٹ کے ایس ایچ او تبدیل، راجہ ضمیر ایس ایچ او تعینات، چارج سنبھال لیا

دینہ: عوامی شکایات کے پیش نظر ڈسٹرکٹ پولیس آفیسر جہلم طارق عزیز سندھو نے ایس ایچ او سید احسان شاہ کو عہدے سے ہٹا دیا اور ان کی جگہ راجہ ضمیر کو نیا ایس ایچ او تعینات کر دیا گیا۔

راجہ ضمیر نے باقاعدہ طور پر چارج سنبھال کر اپنی ذمہ داریاں ادا کرنا شروع کر دی ہیں۔ پولیس ذرائع کے مطابق نئی تعیناتی کا مقصد تھانے کے امور کو مؤثر انداز میں چلانا اور عوامی شکایات کا فوری ازالہ کرنا ہے۔

عوامی حلقوں نے امید ظاہر کی ہے کہ نئے ایس ایچ او عوام دوست پالیسی کے تحت علاقے میں جرائم کی روک تھام اور انصاف کی فوری فراہمی کو یقینی بنائیں گے۔