نواز شریف پاکستان کے ہیرو ہیں، 21 اکتوبر کو ان کا تاریخی استقبال ہو گا۔ مہر فیاض

دینہ: مہر محمد فیاض نے کہا کہ میاں نواز شریف پاکستان کے ہیرو ہیں، 21 اکتوبر کو ان کا تاریخی استقبال ہو گا۔ ملک کو نقصان پہنچانے والے اپنے انجام کو پہنچ گئے، میاں محمد نواز شریف نے ملکی سلامتی پر کبھی آنچ نہیں آنے دی پاکستان کو ایٹمی قوت بنا کر پاکستان کے دفاع کو ناقابل تسخیر بنا یا۔

مسلم لیگ (ن) کے سابق ایم پی اے مہر محمد فیاض نے دینہ کے نواحی علاقہ کھو کھا میں میاں نواز شریف کی آمد کے سلسلے میں ایک بہت بڑی تقریب سے خطاب کرتے ہوئے کہاکہ آج ملک اور قوم کی ترقی میں میاں نواز شریف کا اہم کردار ہے جو قوم کبھی نہیں بھولے گی، ٹھاٹھے مارتا سمندر میاں نواز شریف کا استقبال کریں گے۔

انہوں نے کہا کہ قوم ثابت کرے گی کہ اپنے لیڈر کا استقبال کیسے کیا جاتا ہے۔ 21اکتوبر کو ملک کی تاریخ کا سب سے بڑا دن ہو گا، قوم کا ہیرو ملک کی خوشحالی لے کر واپس آ رہا ہے۔ ملک میں موٹروے ، سی پیک سمیت بے شمار منصوبے نواز شریف کی ملکی خدمات کو منہ بولتا ثبوت ہے۔

مہر فیاض نے کہا کہ قوم اپنے لیڈر میاں نواز شریف کو چوتھی بار ملک کا وزیر اعظم بنائے گی اور تعمیرو ترقی کی راہ پر دوبارہ گامزن کرے گی رُکے ہوئے کام دوبار ہ تیزی سے شروع کیے جائیں گے اور تحصیل دینہ کی عوام کا بہت بڑا قافلہ میاں نواز شریف کے استقبال کے لیے لاہور روانہ ہو گا۔

تقریب میں چوہدری شبیر ، چوہدری مظہر ، میاں خاور خورشید سمیت دیگر نے شرکت کی۔