ضلع جہلم میں دودھ، دہی، گوشت، پھل اور سبزیوں کی من مرضی کی قیمتیں مقرر

جہلم شہر سمیت ضلع بھر میں دودھ، دہی، گوشت، پھل اور سبزیوں کی من مرضی کی قیمتیں مقررکر لی گئیں۔ نان، روٹی و دیگر اشیاء بھی مہنگی، نرخ نامے محض مذاق بن کررہ گئے۔

مارکیٹ کمیٹی کاٹھیکیدار بھی نرخ نامے کے نرخ 20 روپے وصول کرکے قانون کامذاق آڑا رہاہے۔ جہلم شہر سمیت ضلع بھر میں پھلوں ، سبزیاں، گوشت، انڈے، دالوں، چینی، گھی اور یہاں تک کہ نان اور روٹی بھی سرکاری نرخ نامے کے مطابق فروخت نہیں ہو رہی۔

اس طرح دکاندار شہریوں کو دونوں ہاتھوں سے لوٹنے کا سلسلہ جاری رکھے ہوئے ہیں جبکہ پرائس کنٹرول مجسٹریٹ ریڑھی بانوں اور چھوٹے دکانداروں کو جرمانے کرکےسب اچھاہے کی رپورٹس اعلی افسران کو واٹس ایپ کردیتے ہیں۔