سوہاوہ: 15 سالہ لڑکی کو 7 ماہ تک زیادتی، لڑکی اور نوزائیدہ بچے کے قتل میں ملوث ملزم گرفتار
سوہاوہ: 15 سالہ لڑکی کو 7 ماہ تک زیادتی کا نشانہ بنانے، لڑکی اور نوزائیدہ بچے کے قتل میں ملوث ملزم گرفتار کر لیا گیا، ملزم نے اعتراف جرم کر لیا۔
تفصیلات کے مطابق جہلم کی تحصیل سوہاوہ کے تھانہ ڈومیلی کے علاقہ کھرالہ کی 15 سالہ لڑکی (ہ) کو دینہ کے علاقہ چک اکا میں متعدد بار زیادتی کا نشانہ، لڑکی اور نوزائیدہ بچے کے قتل میں ملوث ملزم عبدالقیوم کو ڈومیلی پولیس نے گرفتار کر لیا۔ ملزم عبدالقیوم سات ماہ تک 15 سالہ مقتولہ لڑکی کے گھر میں گھس کر اس کو زیادتی کا نشانہ بناتا رہا۔
15 سالہ لڑکی اور اس کے نوزائیدہ بچے کے قتل کے بعد ملزم کراچی فرار ہوگیا تھا، ڈومیلی پولیس نے سائنٹیفک بنیادوں پر ملزم کو ٹریس کر کے تھانے منتقل کردیا۔
یاد رہے کہ رواں سال 9فروری کو ڈومیلی کے علاقہ کھرالہ میں متاثرہ لڑکی اور اسکے نومولود بچے کو غیرت کے نام پر دادا اور چچا نے فائرنگ کر کے قتل کردیا تھا۔
مقتولہ لڑکی کے دادا اور چچا نے قتل کو چھپانے کے لئے لڑکی کو طبعی موت کا جھانسہ دے کر دفنانے لگے تھے کہ محلے دار کی اطلاع پر ڈومیلی پولیس نے بروقت کارروائی کر کے لڑکی اور نوزائیدہ بچے کی لاش کو تحویل میں لے کر پوسٹمارٹم کیلئے ہسپتال منتقل کیا تھا۔
ڈومیلی پولیس نے 15 سالہ لڑکی اور نوزائیدہ بچے کے قتل میں ملوث ملزمان محمد بوٹا،قمریز اور دلدار کو گرفتار جبکہ ملزم محمد بوٹا سے آلہ قتل پسٹل30بور معہ ایمونیشن برآمد کر لیا تھا، متاثرہ لڑکی کے قتل کے ملزمان جوڈیشل ریمانڈ پر جیل جاچکے ہیں۔
ملزم عبدالقیوم نے مقتولہ لڑکی سے متعدد بار زیادتی کے جرم کا اعتراف کر لیا ہے، ڈومیلی پولیس نے ملزم کو تھانے منتقل کرکے تفتیش کا عمل شروع کردیا ہے۔
