پنڈدادنخان میں دو موٹرسائیکل آپس میں ٹکرا گئے، دو افراد زخمی

پنڈدادنخان میں دو موٹرسائیکل آپس میں ٹکرا گئے، حادثہ میں دو افراد زخمی ہو گئے، زخمیوں کو ہسپتال منتقل کر دیا گیا۔

تفصیلات کے مطابق جہلم کی تحصیل پنڈدادنخان میں چک حمید کے قریب دو موٹر سائیکل آپس میں ٹکرا گئے۔ حادثے کے نتیجے میں 35 سالہ محمد نعیم ولد محمد علی سکنہ پننوال اور 18 سالہ محمد ناصر ولد محمد شبیر سکنہ ڈھنگوال زخمی ہو گئے۔

حادثہ تیز رفتاری اور غفلت کے باعث پیش آیا۔ ریسکیو 1122 پنڈدادنخان سٹاف نے بروقت رسپانس کرتے ہوئے زخمی افراد کو ابتدائی طبی امداد دینے کے بعد تحصیل ہیڈ کوارٹر ہسپتال پنڈدادنخان شفٹ کر دیا۔