جہلم پولیس کی بروقت کارروائی، 19 سالہ گمشدہ نوجوان بازیاب

جہلم: تھانہ چوٹالہ پولیس نے اہم کارروائی کرتے ہوئے ایمرجنسی 15 پر موصول ہونے والی کال کے بعد 19 سالہ گمشدہ نوجوان کو تلاش کر کے بحفاظت اس کے لواحقین کے حوالے کر دیا۔

تفصیلات کے مطابق جہلم میں تھانہ چوٹالہ کے علاقے سے 19 سالہ نوجوان کے لاپتہ ہونے کی اطلاع ملتے ہی پولیس نے فوری طور پر مختلف مقامات پر سرچ آپریشن شروع کیا اور جدید طریقہ کار کو بروئے کار لاتے ہوئے قلیل وقت میں نوجوان کو ٹریس کر لیا۔

پولیس نے نوجوان کو بحفاظت بازیاب کر کے قانونی کارروائی کے بعد اس کے اہل خانہ کے حوالے کر دیا، جس پر لواحقین نے بروقت کارروائی پر پولیس کا شکریہ ادا کیا۔

ڈسٹرکٹ پولیس آفیسر جہلم شفیق احمد چوہدری کا کہنا ہے کہ شہریوں کے جان و مال کا تحفظ پولیس کی اولین ترجیح ہے اور ایسے اقدامات آئندہ بھی جاری رکھے جائیں گے۔