بغیر لائسنس موٹر سائیکل پر آنے والے طلبہ کا اسکول میں داخلہ بند

ڈسٹرکٹ ایجوکیشن اتھارٹی نے بغیر لائسنس موٹر سائیکل پر اسکول آنے والے طلبہ کے داخلے پر پابندی لگا دی ہے۔

ڈسٹرکٹ ایجوکیشن اتھارٹی کی جانب سے بغیر لائسنس موٹرسائیکل پر اسکول آنے والے طلبہ کے حوالے سے اہم فیصلہ سامنے آیا ہے اور اس حوالے سے نوٹیفکیشن بھی جاری کردیا گیا ہے۔

نوٹیفکیشن کے مطابق بغیر لائسنس موٹرسائیکل پر آنے والے طلبہ کا اسکول میں داخلہ بند ہے، ڈرائیونگ لائسنس نہ رکھنے والے طلبہ اپنی موٹر سائیکل پر اسکول نہ آئیں۔

نوٹیفکیشن میں کہا گیا ہے کہ بغیر لائسنس موٹر سائیکل چلانا طلبہ اور عام شہریوں کیلئے خطرناک ہے،نا خوشگوار واقعہ کی صورت میں اسکول ایجوکیشن ڈیپارٹمنٹ ذمہ دار نہیں ہو گا۔