دینہ کے قتل کیس کا فیصلہ؛ ایک مجرم کو سزائے موت اور تین مجرمان کو قید اور جرمانے کی سزائیں
دینہ کے قتل کیس کا فیصلہ، ایک مجرم کو سزائے موت اور تین مجرمان کو قید اور جرمانے کی سزائیں سنا دی گئیں۔
تفصیلات کے مطابق تھانہ دینہ میں درج قتل کے سنگین مقدمہ نمبر 520/23 کا فیصلہ معزز عدالت نے سنا دیا، جس میں چار مجرمان کو جرم ثابت ہونے پر سزائیں سنائی گئیں۔ مقدمہ میں شامل دفعات 302، 324، 149، 148، 337A(ii)، 336f(iii)، 337f(i) کے تحت مجرمان کے خلاف فیصلہ سنایا گیا۔
عدالت نے مجرم سبحان علی کو قتل کی دفعہ 302 کے تحت سزائے موت اور 20 لاکھ روپے جرمانہ کی سزا سنائی۔ اس کے علاوہ دفعہ 149 میں 10 سال قید بامشقت اور 1 لاکھ روپے جرمانہ، دفعہ 324 میں 10 سال قید بامشقت اور 1 لاکھ روپے جرمانہ، دفعہ 337f(iii) میں 3 سال قید بامشقت اور 25 ہزار روپے جرمانہ (دو مرتبہ)، اور دفعہ 148 کے تحت 3 سال قید بامشقت اور 10 ہزار روپے جرمانہ کی سزا بھی سنائی گئی۔
مجرم وسیم حسین شاہ کو دفعہ 324 میں 10 سال قید بامشقت اور 1 لاکھ روپے جرمانہ، دفعہ 337f(iii) میں 3 سال قید بامشقت اور 25 ہزار روپے جرمانہ، دفعہ 148 میں 3 سال قید بامشقت اور 10 ہزار روپے جرمانہ اور دفعہ 149 میں 10 سال قید بامشقت اور 1 لاکھ روپے جرمانہ کی سزا سنائی گئی۔
مجرم سعید تفکر عباس کو دفعہ 324 میں 10 سال قید بامشقت اور 1 لاکھ روپے جرمانہ، دفعہ 337A(ii) میں 5 سال قید بامشقت، دفعہ 148 میں 3 سال قید بامشقت اور 10 ہزار روپے جرمانہ جبکہ دفعہ 149 کے تحت 10 سال قید بامشقت اور 1 لاکھ روپے جرمانہ کی سزا دی گئی۔
اسی طرح مجرم رضوان حیدر کو دفعہ 324 میں 10 سال قید بامشقت اور 1 لاکھ روپے جرمانہ، دفعہ 337f(iii) میں 3 سال قید بامشقت اور 25 ہزار روپے جرمانہ، دفعہ 148 میں 3 سال قید بامشقت اور 10 ہزار روپے جرمانہ اور دفعہ 149 میں 10 سال قید بامشقت اور 1 لاکھ روپے جرمانہ کی سزا سنائی گئی۔
جہلم پولیس نے مقدمہ میں شامل تمام ملزمان کو بروقت ٹریس کرتے ہوئے گرفتار کیا، اور مکمل شواہد کے ساتھ چالان عدالت میں پیش کیا۔ کیس کی مؤثر پیروی کی گئی جس کی بدولت عدالت نے انصاف پر مبنی فیصلہ سنایا۔
ڈی پی او جہلم طارق عزیز سندھو نے اس کامیاب کارروائی پر پولیس انوسٹیگیشن ٹیم اور لیگل ٹیم کو شاباش دیتے ہوئے تعریفی سرٹیفکیٹ اور نقد انعام دینے کا اعلان کیا۔ انہوں نے کہا کہ جہلم پولیس سنگین نوعیت کے مقدمات میں زیرو ٹالرنس پالیسی پر عمل پیرا ہے اور انصاف کی فراہمی ہر صورت ممکن بنائی جائے گی۔
