جہلم میں اسلحہ کی نمائش کرنے والے 2 ملزمان اسلحہ سمیت گرفتار

جہلم: تھانہ سول لائنز پولیس نے اسلحہ کی نمائش کرنے والے دو ملزمان کو گرفتار کر لیا۔

تفصیلات کے مطابق جہلم میں ایس ایچ او تھانہ سول لائنز اور ان کی ٹیم نے کامیاب کارروائی کرتے ہوئے ملزمان جلال حسین اور ثمر عباس کو گرفتار کر لیا۔

پولیس کے مطابق ملزم جلال حسین سے ایک رائفل کلاشنکوف نما اسلحہ اور ملزم ثمر عباس سے بھی ایک رائفل کلاشنکوف نما اسلحہ برآمد کیا گیا۔ مزید براں، دونوں ملزمان سے ایک کار، 10 عدد میگزینز اور 250 عدد گولیاں بھی برآمد ہوئیں۔

ملزمان کے خلاف تھانہ سول لائنز میں مقدمہ درج کر لیا گیا ہے اور پولیس تحقیقات جاری ہے۔