جہلم میں وسیم عرف چھیما چور گینگ کے 2 کارندے گرفتار، مال مسروقہ برآمد

جہلم پولیس نے چوری اور موٹر سائیکل چوری کی متعدد وارداتوں میں ملوث وسیم عرف چھیما گینگ کے 2 کارندوں کو گرفتار کر لیا۔

تفصیلات کے مطابق ڈی پی او جہلم طارق عزیز سندھو کی ہدایت پر ایس ایچ او تھانہ سٹی اور ٹیم نے کارروائی کرتے ہوئے ملزمان کو دھر لیا۔ گرفتار ملزمان کے قبضے سے 4 عدد موٹر سائیکلیں، نقدی 1 لاکھ 68 ہزار روپے اور 1 عدد لیپ ٹاپ برآمد کیا گیا۔

پولیس کے مطابق کل برآمدگی کا تخمینہ 6 لاکھ 70 ہزار 500 روپے لگایا گیا ہے۔

ترجمان پولیس نے کہا کہ ملزمان کے خلاف مقدمہ درج کر لیا گیا ہے اور انہیں ٹھوس شواہد کے ساتھ عدالت میں پیش کیا جائے گا تاکہ قرار واقعی سزا دلوائی جا سکے۔