جی ٹی روڈ جادہ کے مقام پر چار گاڑیاں آپس میں ٹکرا گئیں
جہلم میں جی ٹی روڈ جادہ کے مقام پر ماڈل بازار یوٹرن کے قریب چار گاڑیوں کے آپس میں ٹکرا جانے کا واقعہ پیش آیا، تاہم خوش قسمتی سے حادثے میں کوئی جانی نقصان رپورٹ نہیں ہوا۔
حادثے کی اطلاع ملتے ہی تھانہ کالا گجراں کی پولیس اور موٹروے پولیس فوری طور پر موقع پر پہنچ گئیں اور صورتحال کو کنٹرول میں لیا۔ تصادم کے نتیجے میں گاڑیوں کو خاصا نقصان پہنچا، تاہم تمام افراد محفوظ رہے۔
موٹروے پولیس نے ضروری قانونی کارروائی مکمل کرنے کے بعد متاثرہ گاڑیوں کو سڑک سے ہٹا کر ٹریفک کی روانی بحال کر دی۔ پولیس حکام کے مطابق حادثے کی وجوہات کا جائزہ لیا جا رہا ہے۔
ہمیں فالو کریں
