جہلم پولیس کی سماج دشمن عناصر کے خلاف کارروائیاں، 2 ملزمان ناجائز اسلحہ اور منشیات سمیت گرفتار

جہلم پولیس کی سماج دشمن عناصر کے خلاف کارروائیاں جاری، 2 ملزمان کو اسلحہ اور منشیات سمیت گرفتار کر لیا گیا۔

تفصیلات کے مطابق ڈسٹرکٹ پولیس آفیسر جہلم طارق عزیز سندھو کی خصوصی ہدایات پر تھانہ صدر پولیس نے سماج دشمن عناصر کے خلاف کارروائی کرتے ہوئے دو ملزمان کو ناجائز اسلحہ اور منشیات سمیت گرفتار کر لیا۔

ایس ایچ او تھانہ صدر اور ان کی ٹیم نے بروقت کارروائی کرتے ہوئے ایک ملزم کو گرفتار کیا جس کے قبضہ سے 30 بور پسٹل بمعہ ایمونیشن برآمد ہوا۔ پولیس نے ملزم کے خلاف مقدمہ درج کر لیا ہے۔

اسی طرح ایک اور کارروائی میں تھانہ صدر پولیس نے شراب سپلائی کرنے والے ملزم کو گرفتار کر کے اس کے قبضے سے 20 لیٹر شراب برآمد کر لی۔ اس ملزم کے خلاف بھی مقدمہ درج کر لیا گیا ہے۔

ڈی پی او جہلم طارق عزیز سندھو کا کہنا ہے کہ منشیات فروش اور ناجائز اسلحہ رکھنے والے عناصر معاشرے کے لیے خطرہ ہیں جن کے خلاف کارروائیاں بلاامتیاز جاری رہیں گی تاکہ شہریوں کو پرامن اور محفوظ ماحول فراہم کیا جا سکے۔