دینہ میں افغان باشندے کو پناہ دینے والا ملزم گرفتار

دینہ پولیس کی بڑی کارروائی، افغان باشندے کو پناہ دینے والے ملزم کو گرفتار کر لیا گیا۔

تفصیلات کے مطابق ڈی پی او جہلم طارق عزیز سندھو کی ہدایت پر ایس ایچ او تھانہ دینہ اور ٹیم نے کارروائی کرتے ہوئے ملزم کو گرفتار کیا۔ پولیس کے مطابق ملزم نے افغان باشندے کو غیر قانونی طور پر اپنے گھر میں پناہ دے رکھی تھی۔

پولیس نے کرایہ داری کا اندراج نہ کروانے اور غیر قانونی پناہ دینے پر ٹیمپریری ریزیڈنس آرڈیننس کے تحت مقدمہ درج کر لیا۔

ڈی پی او طارق عزیز سندھو نے کہا کہ کسی کے ساتھ ظلم یا ناانصافی برداشت نہیں کی جائے گی، تاہم غیر قانونی رہائش رکھنے والوں کو قیام کی اجازت نہیں دی جا سکتی۔ انہوں نے واضح کیا کہ قانون کی خلاف ورزی کرنے والوں کے خلاف بھرپور کریک ڈاؤن جاری ہے۔