ضلع جہلم کی عدلیہ میں بڑے پیمانے پر تقرر و تبادلے، نوٹیفکیشن جاری

جہلم: لاہور ہائیکورٹ نے ضلع جہلم کی عدالتوں کے 6 ججز کے تبادلے جبکہ 2 نئے سول جج جہلم میں تعینات کر دیے۔

چیف جسٹس لاہور ہائیکورٹ جسٹس ملک شہزاد احمد خان نے ماتحت عدالتوں کے بڑے پیمانے پر تقرر تبادلے کردیے۔ چیف جسٹس کی منظوری کے بعد رجسٹرار ہائیکورٹ نے نوٹیفکیشن جاری کردیا۔

نوٹیفکیشن کے مطابق ایڈیشنل ڈسٹرکٹ اینڈ سیشن جج جہلم شہباز حسین کا جہلم سے نارووال، ایڈیشنل ڈسٹرکٹ اینڈ سیشن جج جہلم محمد قذافی بن زائر کا جہلم سے جام پور اور سول جج جہلم وقاص احمد وڑائچ کا جہلم سے ملتان تبادلہ کر دیا گیا۔

چیف جسٹس لاہور ہائیکورٹ نے سول جج جہلم ناصرہ مہوش زادی کا جہلم سے ملتان، مسٹر وقاص مرتضیٰ جنجوعہ کا پنڈدادنخان سے سوہاوہ اور ریحانہ کوثر کا تبادلہ سوہاوہ سے چکوال کر دیا گیا۔

رجسٹرار ہائیکورٹ کی جانب سے جاری کردہ نوٹیفکیشن کے مطابق جہلم میں 2 نئے سول جج جہلم تعینات کر دیے گئے، قمر عباس اور سیدہ خباحب اختر کو لاہور سے جہلم تعینات کر دیا گیا۔