معروف کاروباری شخصیت فیصل مراد اور حامد مراد کے والد محترم شاہ مراد کی رسم قل ادا کر دی گئی

دینہ کی معروف کاروباری شخصیات فیصل مراد اور حامد مراد کے والد محترم شاہ مراد کی رسمِ قل ان کی رہائش گاہ محلہ شیخاں میں ادا کر دی گئی، جس میں سیاسی، سماجی اور کاروباری حلقوں کی نمایاں شخصیات نے شرکت کی۔

مرحوم شاہ مراد، جو ہاشمی فیبرکس اور سابق حامد میڈیکل سٹور سے وابستہ خاندان کے سربراہ تھے، کی رسمِ قل میں علاقہ بھر سے معززین کی بڑی تعداد شریک ہوئی۔ شرکاء نے مرحوم کے درجات کی بلندی اور مغفرت کے لیے خصوصی دعائیں کیں۔

تقریب میں چوہدری فوق شیر باز، چوہدری ضمیر، صدر صرافہ یونین رانا یاسر، میاں ثانی، شیخ عاشق ایڈووکیٹ، رضوان سیٹھی اور معروف رائٹر تبسم رسول قریشی سمیت دیگر سیاسی، سماجی اور کاروباری شخصیات نے شرکت کی اور سوگوار خاندان سے اظہارِ تعزیت کیا۔

شرکاء نے مرحوم کی سماجی خدمات اور خوش اخلاقی کو خراجِ تحسین پیش کرتے ہوئے ان کے لیے مغفرت اور اہلِ خانہ کے لیے صبرِ جمیل کی دعا کی۔