جہلم پولیس کی کارروائی، تین منشیات فروش گرفتار، آئس اور شراب برآمد

جہلم: ایس ایچ او تھانہ سول لائنز اور ان کی ٹیم نے منشیات فروشوں کے خلاف اہم کارروائی کرتے ہوئے تین ملزمان کو گرفتار کر لیا۔

تفصیلات کے مطابق جہلم میں تھانہ سول لائنز پولیس نے کامیاب کارروائی کرتے ہوئے ملزمان جاوید اقبال، ناظم حسین اور سکندر کو گرفتار کیا۔ دورانِ تفتیش ملزم جاوید اقبال کے قبضے سے 1 کلو 30 گرام آئس جبکہ ملزم ناظم حسین اور سکندر کے قبضے سے 10، 10 لیٹر شراب برآمد ہوئی۔

پولیس نے ملزمان کے خلاف تھانہ سول لائنز میں الگ الگ مقدمات درج کر لیے ہیں اور مزید تفتیش جاری ہے۔

ایس ایچ او سول لائنز نے کہا کہ منشیات فروش معاشرے کے لیے زہر قاتل ہیں، ان کے خلاف کارروائیاں جاری رہیں گی تاکہ نوجوان نسل کو منشیات کی لعنت سے بچایا جا سکے۔