جہلم میں والد کو تشدد کا نشانہ بنا کر گھر سے نکالنے والا نا خلف بیٹا گرفتار

جہلم: سول لائینز پولیس کی فوری کارروائی، والد پر تشدد اور زدوکوب کرنے والا ناخلف بیٹا گرفتار کر لیا۔

تفصیلات کے مطابق جہلم میں ابوزرنامی شخص نے اپنے والد پر تشدد، شدید زدوکوب کیا اور گھر سے نکال دیا۔ سول لائینز پولیس نے والد کی درخواست پر والدین تحفظ آرڈنینس کے تحت فوری مقدمہ درج کرکے ملزم محمد ابوزر کو گرفتار کرلیا۔

ڈی پی او جہلم ناصر محمود باجوہ کا کہنا تھا کہ والدین جیسی عظیم ہستیوں پر تشدد ناقابل تصور اور افسوس ناک ہے۔