جہلم میں ٹریکٹر ٹرالی اور موٹر سائیکل میں تصادم، خاتون جاں بحق

جہلم میں ٹریکٹر ٹرالی اور موٹرسائیکل کے درمیان تصادم سے 58 سالہ خاتون جاں بحق ہو گئی۔

تفصیلات کے مطابق جہلم کے علاقے کنتریلہ گاؤں میں ریلوے لائن کے قریب افسوسناک ٹریفک حادثہ پیش آیا، جہاں ٹریکٹر ٹرالی اور موٹر سائیکل کے درمیان تصادم کے نتیجے میں ایک خاتون موقع پر ہی جاں بحق ہوگئیں۔

ریسکیو 1122 کے ذرائع کے مطابق حادثہ اس وقت پیش آیا جب موٹر سائیکل سوار خاتون ٹریکٹر ٹرالی سے ٹکرا گئی، جس کے باعث وہ شدید زخمی ہو گئیں۔ ریسکیو ٹیم فوری طور پر جائے حادثہ پر پہنچی اور ضروری کارروائی کے بعد لاش کو ڈی ایچ کیو ہسپتال جہلم منتقل کر دیا گیا۔

جاں بحق ہونے والی خاتون کی شناخت رخسانہ بی بی زوجہ جاوید احمد کے نام سے ہوئی ہے، جن کی عمر 58 سال ہے اور ان کا تعلق بھٹیہ گاؤں سے بتایا گیا ہے۔