سوہاوہ/ ڈومیلی: بڑاگواہ کے نواحی گاؤں تھلہ چوہدریاں میں دوسرا سالانہ شوٹنگ والی بال ٹورنامنٹ جوش و خروش سے منعقد کیا گیا، جس میں علاقہ بھر سے چھ ٹیموں نے حصہ لیا۔ شائقین کی بڑی تعداد نے شرکت کر کے ایونٹ کو یادگار بنا دیا۔
ٹورنامنٹ کے مہمانانِ خصوصی میں چوہدری فخر رشید ایڈووکیٹ، نبیل احمد پرنسپل احسن پبلک سکول اینڈ کالج پدھری، راجہ عبیداللہ سابق چیئرمین زکوٰۃ کمیٹی بڑاگواہ، چوہدری مسعود احمد، چوہدری شاہد اقبال، چوہدری مشتاق احمد، چوہدری ہارون سلطان اور معروف سماجی شخصیت چوہدری عثمان مانی شامل تھے۔
دیگر معزز شرکاء میں چوہدری رضوان عاطف، چوہدری طلعت محمود، چوہدری امتیاز، چوہدری سعید اسلم، چوہدری آصف محمود، چوہدری عابد، نزاکت علی ذکی، جہانگیر منشی، ماسٹر احسان الحق اور چوہدری عرفان عابد بھی موجود تھے۔
ٹورنامنٹ کا فائنل میچ تھلہ بی کلب اور حیدری کلب بڑاگواہ کے درمیان کھیلا گیا۔ بدقسمتی سے بارش کے باعث میچ مکمل نہ ہو سکا اور مقابلہ برابر قرار دیا گیا۔ اس موقع پر مہمانوں نے دونوں ٹیموں میں انعامات تقسیم کیے اور کھلاڑیوں کی حوصلہ افزائی کی۔ شرکاء کو پھولوں کے ہار پہنائے گئے اور پرتپاک استقبال کیا گیا۔
مہمانانِ گرامی نے نوجوانوں کی مثبت سرگرمیوں کو سراہتے ہوئے کہا کہ اس طرح کے کھیلوں کے انعقاد سے نوجوان نسل کو منشیات سے بچانے اور صحت مند سرگرمیوں کی طرف راغب کرنے میں مدد ملتی ہے۔ انہوں نے اس عزم کا اظہار کیا کہ ایسے ایونٹس کے تسلسل سے میدان آباد ہوں گے اور نوجوانوں کو اپنی صلاحیتوں کے اظہار کے مواقع ملیں گے۔
-
-
-
-
