دینہ میں بکریاں چوری کرنے والے 2 ملزمان گرفتار

دینہ: منگلا پولیس نے دینہ میں بکریاں چوری کرنے والے 2 ملزمان گرفتار کر لئے، چوری شدہ بکریاں برآمد کر لی گئیں۔

تفصیلات کے مطابق ایس ایچ او منگلا کینٹ اور ٹیم کی اہم کارروائی کرتے ہوئے مویشی چوری کرنے والے 2 ملزمان علی اور طیب کو گرفتار کر لیا۔

منگلا پولیس نے ملزمان سے چوری شدہ 3 بکریاں مالیتی 2 لاکھ روپےبرآمد کر لیں جبکہ ملزمان کو ٹھوس شواہد کے ساتھ چالان عدالت کیا جائے گا۔

ڈی پی او جہلم ناصر محمود باجوہ نے کہا کہ شہریوں کی جان و مال کی حفاظت اولین ترجیح ہے، جسے ممکن بنانے کے لئے تمام تر ضروری اقدامات عمل میں لائے جارہے ہیں۔