غفلت و لاپرواہی سے کنٹینر ٹرالہ چلا کر شہری کو زخمی کرنے والا ڈرائیور گرفتار

جہلم پولیس نے غفلت و لاپرواہی سے کنٹینر ٹرالہ چلا کر شہری کو زخمی کرنے والے ڈرائیور کے خلاف کارروائی کرتے ہوئے اسے گرفتار کر لیا۔

ترجمان جہلم پولیس کے مطابق ایس ایچ او تھانہ کالا گجراں اور پولیس ٹیم نے کارروائی کرتے ہوئے غفلت و لاپرواہی کا مظاہرہ کرتے ہوئے کنٹینر ٹرالہ چلانے اور شہری کو زخمی کرنے والے ملزم کو گرفتار کیا۔ ملزم کے خلاف تھانہ کالا گجراں میں مقدمہ درج کر لیا گیا ہے جبکہ مزید تفتیش جاری ہے۔

ڈی پی او جہلم شفیق احمد چوہدری نے کہا کہ جہلم پولیس شہریوں کی جان و مال کے تحفظ اور ٹریفک قوانین کی خلاف ورزی کرنے والوں کے خلاف بلاامتیاز قانونی کارروائیاں جاری رکھے ہوئے ہے۔

انہوں نے کہا کہ شہریوں کی جان و مال کو خطرے میں ڈالنے والے عناصر کے خلاف بلاامتیاز قانونی کارروائی عمل میں لائی جائے گی، جبکہ ٹریفک قوانین کی خلاف ورزی کسی صورت برداشت نہیں کی جائے گی۔ شہریوں کی حفاظت کو یقینی بنانے کے لیے قانون شکن عناصر کے خلاف کارروائیاں جاری رکھی جائیں گی۔